QHT “Süni intellekt dövründə 40 aktual peşə” adlı layihə icra edir

QHT “Süni intellekt dövründə 40 aktual peşə” adlı layihə icra edir

  • whatsapp
  • messenger
  • telegram
  • vkontakte
  • odnoklassniki

XXI əsrin ikinci rübündə dünya əmək bazarı fundamental dəyişikliklər mərhələsinə daxil olur. Süni intellekt, robototexnika, biotexnologiyalar, rəqəmsal platformalar, yaşıl enerji, kosmik texnologiyalar və digər innovasiyalar ənənəvi peşələrin məzmununu dəyişdirir, yeni fəaliyyət istiqamətləri və peşələr yaradır.  Əvvəllər əmək bazarındakı dəyişikliklər əsasən ayrı-ayrı peşələrin inkişafı və ya tədricən sıradan çıxması ilə müşayiət olunurdusa, indi dəyişikliklərin miqyası daha genişdir. Bəzi peşələrin müəyyən funksiyaları avtomatlaşdırılır, yeni peşə profilləri meydana çıxır, insan və süni intellekt əməkdaşlığı yeni əmək münasibətləri formalaşdırır.

Belə bir dövrdə gəncləri gələcək əmək bazarına  səmərəli hazırlamaq üçün dövlət qurumları,  univeritetlər tədqiqatlar aparmalı, konkret layihələr icra etməlidirlər.    Bu proseslərdə vətəndaş cəmiyyəti də  xüsusi  fəalllıq götərməlidir.

“Peşəyönümlü  təhsilin inkişafına  yardım” IB  (PTİYİB)  gənclərin  gələcək əmək bazarına daha yaxşı hazırlanması üçün  ictimai əsaslarla “Süni intellekt dövründə  40   aktual peşə”    adlı yeni layihə icra edir.  Bu innovativ təhsil  layihəsinin ideya müəllifi və   rəhbəri  PTİYİB sədri, dosent İlham Əhmədovdur.  Layihəyə    bakalavr  pilləsində təhsil alan  10  nəfər  tələbə  cəlb edilibdir.  Layihə 4  onlayn təlimdən ibarətdir.

Layihə çərçivəsində tələbələrlə ilkin mərhələdə  süni intellektin əsasları üzrə 2 onlayn təlim keçirilmiş,  onlara süni intellekt  alətlərinin köməyi   ilə   “Süni intellekt dövründə  40   aktual peşə”   mövzusunda   marifləndirici  xarakterli  elektron resursların   hazırlanması   yolları izah edilmişdir.   Layihənin növbəti mərhələsində tələbələr   hazırladıqları  rəqəmsal   resursları sosial şəbəkələrdə yerləşdirəcəklər. İlkin mərhələdə eyni adlı youtub kanalı yaradılcaq və bura 20 marifləndirici  video resurs və podkastlar  yerləşdiriləcəkdir. Bu tip rəqəmsal  resurslarının   hazırlanması  gənclərin peşəyönümü və peşəseçiminə   dəstək məqsədi daşıyır. Layihə çərçivəsində 20  audiovizual resursla yanaşı, 20 infoqrafika  tipli intellektual xətritənin  də hazırlanması nəzərdə tutulur. Bu tip layihələrin icrası gənclər  süni intellekt dövrünün əmək bazarına  daha yaxşı hazırlaşmasına dəstək verə bilər.  Gələcəkdə  layihənin  maliyyə mənbəyi olarsa, onu inkişaf etdirmək,  “Süni intellekt dövründə  40   aktual peşə”  adlı  yuotube  kanalındakı podkast və videoların sayını 100-ə  çatdırmaq  mümkündür.

Bu şəraitdə gənclərin, tələbələrin, valideynlərin, müəllimlərin və peşəyönümü mütəxəssislərinin qarşısında mühüm suallar yaranır:

  • Hansı peşələr gələcəkdə daha çox tələb olunacaq?
  • Süni intellekt hansı peşələri və iş funksiyalarını dəyişdirəcək?
  • Hansı peşələr avtomatlaşdırılma riskinə daha çox məruz qalacaq?
  • Gələcəyin əmək bazarında hansı bilik və səriştələr tələb olunacaq?
  • İnsan süni intellektlə rəqabət aparmalı, yoxsa onunla əməkdaşlıq etməlidir?
  • Gənclər gələcəyin peşələrinə necə hazırlaşmalıdırlar?
  • Universitetlər və peşə təhsili müəssisələri hansı istiqamətlərdə dəyişməlidir?