Artıq iki gündür TƏBİB-in tabeliyində olan poliklinikalarda sistemin işləmədiyi bildirilir.
Tribuna.az xəbər verir ki, bu şikayətlə Xitab24.az-a sağlamlıq haqqında arayış almaq istəyən, dünəndən bu problemlə üzləşən vətəndaş şikayət edib.
Onun sözlərinə görə, dünən səhər saat 11-dən indiyədək heç bir poliklinikanın sistemi işləmir və sistemlə əlaqəli heç bir sənədi almaq mümkün deyil.
Eyni problemin TƏBİB-ə tabe olan dövlət xəstəxanalarında, o cümlədən Yeni Klinikada da baş verdiyi bildirilir.
Məlumata görə, sonuncu klinikada vətəndaşlar internetin olmaması səbibdən bu problemlə üzləşiblər.
Gülşən Rəsul
Məsələ ilə bağlı TƏBİB-ə sorğu ünvanlanıb.
