Yunanıstanın baş naziri Mitsotakisin partiyası seçkilərdə qalib gəlsə də, parlamentdə çoxluq təşkil edə bilməyib.
Tribuna.az-ın xəbərinə görə, bu barədə BBC məlumat yayıb. Kiriakos Mitsotakis Yeni Demokratiya Partiyası 41% səslə ümumxalq seçkilərində qalib gəlib.
Bildirilir ki, Kiriakos Mitsotakisin partiyası parlamentdə çoxluq təşkil etmək üçün cəmi 5 mandat azdır. Demək olar ki, bütün bülletenlərin hesablanmasının nəticələrinə görə, “Yeni Demokratiya” partiyası parlamentdə 146 yerə sahib olacaq, çoxluğu yaratmaq üçün isə 151 yer lazımdır.
Seçkilərdə onun rəqibi Aleksis Tsiprasın “Syriza” partiyası 20 faiz səs toplayıb.
Yunanıstan prezidenti Katerina Sakellaropulou baş nazir Miçotakisə koalisiya yaratmaq imkanı verəcək. BBC-nin məlumatına görə, bununla belə, Mitsotakis artıq koalisiya yaratmaqdan imtina edəcəyini bəyan edib.
Mitsotakisin koalisiya yaratmaq üçün üç gün vaxtı olacaq. Bu baş verməsə, iyunun sonu və ya iyulun əvvəlində seçkilərin ikinci turu keçirilə bilər.
