Türkiyəni ayağa qaldıran 6 yaşlı qız uşağının kəbinlə 29 yaşlı adama ərə verilməsi haqda cinayət işi üzrə qalmaqallı məhkəmə prosesi başlayıb.
Tribuna.az məlumat verir ki, Hiranur vəqfinin qurucusu Yusif Ziya dini nikahla öz övladı olan 6 yaşlı qızını Kadir İstekli adlı biriylə evləndirib. Hər iki şəxs həbsxanadan məhkəməyə gətirilib. Məhkəmə önünə toplaşanlar onlara kəskin etiraz etsələr də, bu şəxsləri dəstəkləyən şüarlar səsləndirənlər də olub. Dövlət ittihamçısı Kadir İstekliyə 30, uşağın atası Yusif Ziyaya və anası Fatma Gümüşelə 18 ildən az olmamaq həbs cəzası verilməsini istəyib. Məhkəmə istintaqı davam edir.
