KANADA DA XƏRİTƏDƏ YERİNİ BİLMƏDİYİ LAÇINA GÖRƏ NARAHATDIR – ERMƏNİ ŞİVƏNİ

Kanada da Laçın dəhlizində Azərbaycan tərəfindən nəzarət-buraxılış məntəqəsi yaratmasından dərin narahatdır. Tribuna.az bildirir ki, bunu Kanadanın xarici işlər naziri Melani Coli deyib. Müvafiq bəyanat Kanada hökumətinin saytında dərc olunub. “Bakının hərəkətləri bütün regionda sülh prosesini və sabitliyi pozur. Kanada Azərbaycan hakimiyyətini Laçın dəhlizinin blokunu açmağa çağırır. O, insanların və malların sərbəst hərəkəti üçün açıq qalmalıdır”, – bəyanatda deyilir.
Bundan əlavə, Kanada Xarici İşlər Nazirliyinin rəhbəri tərəfləri danışıqları bərpa etməyə və sərhəddə növbəti gərginlik və ya düşmənçilik hərəkətlərindən çəkinməyə çağırıb. Aprelin 23-də Azərbaycan Laçın dəhlizinin başlanğıcında Həkəri çayı üzərində keçid məntəqəsi quraşdırıb.