Ölkənin Xarici İşlər Nazirliyi BƏƏ-nin beynəlxalq hüquq normalarına uyğun olaraq öz dənizlərində naviqasiyanın məsuliyyətli təhlükəsizliyini təmin etmək öhdəliyinə sadiq qaldığını vurğulayıb.
Tribuna.az-ın xəbərinə görə, Birləşmiş Ərəb Əmirliklərinin Qırmızı dəniz və Fars körfəzində fəaliyyət göstərən ABŞ-ın rəhbərlik etdiyi Birləşmiş Dəniz Qüvvələrinin tərkibindən çıxdığını BƏƏ Xarici İşlər Nazirliyi öz saytında yayıb.
“BƏƏ regional təhlükəsizlik və sabitliyin ümumi məqsədlərinə nail olmaq üçün bir vasitə kimi dinc dialoqa və diplomatik vasitələrə sadiqdir. BƏƏ-nin bütün tərəfdaşları ilə təhlükəsizlik sahəsində əməkdaşlığın effektivliyini davamlı qiymətləndirməmiz nəticəsində biz Birləşmiş Dəniz Qüvvələrindən çıxdıq”, mesajda deyilir.
Eyni zamanda, Xarici İşlər Nazirliyi vurğulamışdır ki, “BƏƏ beynəlxalq hüquq normalarına uyğun olaraq öz dənizlərində naviqasiya təhlükəsizliyinin məsuliyyətlə təmin edilməsinə sadiqdir”.
Bununla bağlı nazirlik BƏƏ-nin ABŞ-la dəniz təhlükəsizliyi məsələlərinə dair danışıqlarını medianın şərhini tənqid edərək, bunu “yalan” adlandırıb.
Qeyd edək ki, ABŞ-ın Beşinci Donanması ilə birlikdə qərargahı Bəhreyndə yerləşən Birləşmiş Dəniz Qüvvələrinə Qırmızı dəniz və Fars körfəzində gəmiçilik təhlükəsizliyi və dəniz quldurluğu ilə mübarizə ilə məşğul olan 34 ölkə daxildir.
