Almaniyadakı bir qrup rusiyapərəst fəal Ukraynada döyüşən Rusiya ordusu diviziyasına pul bağışlayıb və bu pullar radio, qulaqlıq və telefonların alınmasına sərf edilib.
Tribuna.az “Reuters”ə istinadən xəbər verir ki, qrupun mərkəzində olan cütlük Elena Kolbasnikova və Maks Şlund keçən ilin sonlarında 500 avro (540 dollar) məbləğində pulu şəxsən məmura veriblər. Onların mesajları göstərir ki, telekommunikasiya avadanlığı üçün ödənilən pulu bilirdilər. Hərçənd, Avropa İttifaqının Rusiya ordusuna bu cür avadanlıqların tədarükünü məhdudlaşdıran sanksiyalarına baxmayaraq bunu ediblər.
Reuters-in Xüsusi Hesabatı aşkar edib ki, Kolbasnikova və Şlund Almaniyada Rusiya dövləti, sanksiyaya məruz qalmış Rusiya qurumları və ya ifrat sağçılarla açıqlanmayan əlaqələri qoruyub saxlayaraq Moskvayönlü mövqe nümayiş etdirən bir sıra şəxslər arasındadır.
Həmin hesabatda göstərilirdi ki, Kolbasnikova və Şlund Rusiya dövlət mədəniyyətinin təbliği agentliyi olan Rossotrudniçestvo-nun Berlin bölməsindən Rusiya prezidenti Vladimir Putinin çıxışı üçün Moskvaya səfər etməyə bilet alıb. Bundan sonra Berlin prokurorları agentliyin Berlin ofisində araşdırma apardıqlarını bildiriblər.
