Relsdən çıxan qatar tikinti materialları və yanacaq daşıyırmış.
Tribuna.az Sputnik Armeniya-ya istinadən xəbər verir ki, Bryansk vilayətinin Uneçski rayonunda dəmiryol relslərində partlayıcı qurğu işə düşüb.
Bu barədə Bryansk qubernatoru Aleksandr Boqomaz Telegram kanalında məlumat verib.
“Bryansk-Uneça dəmir yolunun 136-cı km-də Unechski rayonunda naməlum partlayıcı qurğu işə düşüb, nəticədə yük qatarının lokomotivi relsdən çıxıb. Tələfat yoxdur”, – qubernator yazıb.
Onun sözlərinə görə, hazırda əməliyyat xidmətləri yerində işləyir. Yolun bu hissəsində nəqliyyatın hərəkəti dayandırılıb.
Bryansk vilayəti hökumətinin məlumatına görə, relsdən çıxan qatar yanacaq və tikinti materialları daşıyırmış.
