Kahramanmaraşda yıxılan binalarla bağlı aparılan istintaqda haqqında həbs qərarı çıxarılan podratçı, Marmaris sahillərində qayıqla xaricə getməyə çalışarkən tutuldu.
Tribuna.az NTV-yə istinadən xəbər verir ki, Diyarbakırda sökülən binalarla bağlı “tikinti qüsurları və sütunların kəsilməsi” iddiaları ilə nəzarətə alınan 39 şübhəli arasında podratçıların da olduğu 15 nəfər həbs edilib.
Fevralın 6-da baş verən zəlzələlərdə dağılan binalardakı qüsurların müəyyən edilməsi ilə bağlı Diyarbakır Respublika Baş Prokurorluğu tərəfindən başladılan istintaq davam edir.
Malatyada baş verən zəlzələdə dağılan binalarla bağlı aparılan istintaq çərçivəsində isə 7 şübhəli həbs edilib.
