ABŞ ordusu Amerika səmalarında uçan sirli şarı izləyir, lakin üç ABŞ rəsmisinin sözlərinə görə, onun nə olduğu və kimə aid olduğu bəlli deyil.
Tribuna.az Mehrnews-a istinadən xəbər verir ki, rəsmilərin dediyinə görə, obyekt Havay adalarının bəzi hissələrini keçib.
ABŞ ordusu keçən həftənin sonundan etibarən onu izləyir və onun hava nəqliyyatı və ya milli təhlükəsizliyə heç bir təhlükə törətmədiyini və siqnallar ötürmədiyini müəyyən edib.
Bunun bir hava balonu və ya başqa bir şey olduğu aydın deyil, deyən rəsmi, ABŞ-ın quruya yaxınlaşdığı təqdirdə onu vura biləcəyini söyləyib.
Rəsmilər, manevr qabiliyyəti olmayan obyektin yavaş-yavaş Meksikaya doğru irəlilədiyini bildirib.
Milli Təhlükəsizlik Şurasının sözçüsü obyektlə bağlı sualları Müdafiə Nazirliyinə yönləndirib.
Pentaqonun sözçüsü bildirib ki, şar 36.000 fut hündürlükdə “onun manevr etdiyinə və ya xarici və ya düşmən tərəf tərəfindən idarə olunduğuna dair heç bir əlamət olmadan uçur. Balon birbaşa olaraq müdafiə infrastrukturu və ya ABŞ hökumətinin digər həssas obyektləri üzərindən keçmir.
