Türkiyəli məşhur komediyaçı Cem Yılmaz bu dəfə səhhəti ilə deyil, şəxsi həyatı ilə bağlı zarafatı ilə gündəmə gəlib.
Tribuna.az xəbər verir ki, ötən aylarda infarkt keçirərək xəstəxanaya yerləşdirilən sənətçi qatıldığı tədbirdə jurnalistlərin suallarını cavablandırıb.
Çanaqqalanın Ayvacık rayonundakı evində infarkt keçirən Yılmaz Çanaqqala Onsekiz Mart Universiteti Xəstəxanasına aparılıb. Burada ona angioqrafiya və stent müdaxiləsi edilib. Müalicədən sonra bir müddət evində istirahət edən komediyaçı sonradan səhhətinin yaxşı olduğunu bildirib.
Noyabrın 5-də Netflix Türkiyənin 10 illik yubiley tədbirində iştirak edən Yılmaz jurnalistlərin həm səhhəti, həm də şəxsi həyatı ilə bağlı sualları ilə qarşılaşıb.
Ona həyatında kimsənin olub-olmadığı soruşulub. Komediyaçı isə özünəməxsus yumorla belə cavab verib: “Münasibətim yoxdur, həkimim qadağan edib”.
Onun bu cavabı tədbirdə gülüşə səbəb olub və sosial şəbəkələrdə müzakirə edilib.
Qeyd edək ki, Yılmazın cavabının tibbi qadağa olduğunu təsdiqləyən ayrıca açıqlama yoxdur. Sözlər jurnalistlərin sualına verilən zarafatlı cavab kimi təqdim edilib.
Tribuna.az
