“Azərbaycan Beynəlxalq Bankı” (ABB) ASC 10 milyon manat həcmində yeni istiqraz buraxılışını həyata keçirəcək.
Tribuna.az-ın əldə etdiyi məlumata görə, BFB-nin Listinq Komitəsinin 26 oktyabr 2026-cı il tarixli qərarı ilə bankın istiqrazlarının ticarətə buraxılmasına icazə verilib.
Buraxılış çərçivəsində hər birinin nominal dəyəri 100 manat olan 100 min ədəd istiqraz yerləşdiriləcək.
İstiqrazların illik gəlirlilik faizi 9%, tədavül müddəti isə 2 il müəyyən edilib. Faiz gəlirləri istiqrazların yerləşdirildiyi tarixdən etibarən hər 30 gündən bir ödəniləcək.
Qiymətli kağızlar üzrə abunə yazılışı oktyabrın 26-da başlayıb və noyabrın 8-də başa çatacaq. İstiqrazların yerləşdirilməsi isə noyabrın 12-də həyata keçiriləcək.
Qeyd edək ki, buraxılışın anderrayteri elə ABB-nin 100% törəməsi olan “ABB-İnvest İnvestisiya Şirkəti” QSC-dir.
Fərda Uğur
