Ermənistanın xarici işlər naziri Ararat Mirzoyan Rusiya xarici işlər nazirinin müavini Mixail Qaluzinlə görüşüb. Tribuna.az yazır ki, görüşdə rəsmi Bakının “təxribat xarakterli bəyanatları və aqressiv hərəkətləri” nəticəsində regionda yaranmış “təhlükəli vəziyyəti”, o cümlədən Laçında nəzarət-buraxılış məntəqəsinin quraşdırılması istiqamətində atılan addımlar müzakirə olunub. Mirzoyan Laçın dəhlizinin əvvəlki rejiminin bərpası istiqamətində Ermənistanın müttəfiqləri və tərəfdaşları tərəfindən müvafiq addımların atılmasının zəruriliyini bildirib.
