Maraş mərkəzli zəlzələlərdən sonra AK Partiyanın seçkiləri 6 ay və ya bir il təxirə salmaq üçün Yüksək Seçki Qurumunu (YSK) aktivləşdirəcəyi iddia edilib.
Tribuna.az “GazeteDuvar”a istinadən xəbər verir ki, episentri Pazarcık və Elbistan olan, 10 əyalətdə dağıntılar yaradan Maraş zəlzələsi ən az 13,5 milyon insana birbaşa təsir etdi.
Zəlzələnin mayın 14-də keçirilməsi gözlənilən seçkilərin tarixinə təsir edib-etməməsi də müzakirə olunub.
Bu barədə, Habertürk-ün köşə yazarı Fatih Altaylı bugünkü köşə yazısında seçkilərin 6 ay və ya bir il təxirə salına biləcəyi ilə bağlı məlumat aldığını açıqlayıb.
Altaylının məqaləsindən bir hissə:
Hakim qanad seçkilərin təxirə salınması işini YSK-ya keçirəcək.
Əvvəlcə seçim ediləcək.
Daha sonra YSK 4 vilayətdə, qismən isə 6 vilayətdə seçki prosesinin aparılmasının faktiki olaraq qeyri-mümkün olduğunu bəyan edəcək və seçkilərin təxirə salınmasını tələb edəcək.
Beləliklə, seçkilər ən azı 6 ay, bəlkə də bir il təxirə salınacaq.
