Avropa İttifaqının xarici işlər və təhlükəsizlik siyasəti üzrə ali nümayəndəsi Cozep Borrel Qarabağda yaşayan ermənilərin hüquq və təhlükəsizliyinin təmin edilməsinin vacibliyini qeyd edib. Tribuna.az məlumat verir ki, bu barədə o, özünün “Twitter” mikrobloqunda Azərbaycanın nəzarət-buraxılış məntəqəsinin quraşdırılması ilə bağlı vəziyyəti şərh edərkən yazıb. “Azərbaycanın birtərəfli qaydada Laçın dəhlizi boyunca nəzarət-buraxılış məntəqəsi yaratması Aİ-nin gərginliyi azaltmaq və problemləri dialoq yolu ilə həll etmək çağırışlarına ziddir”, – Borrell yazıb. Onun sözlərinə görə, Aİ Cənubi Qafqazda sülh və sabitliyi təşviq etməkdə davam edir.
Tribuna.az
