Rusiyanın Ukraynaya atdığı raketlərdə olan zəhərli yanacaq Xəzər dənizinə tökülərək ekoloji faciə yaradır və bu da suitilərin məhv olmasına səbəb olur.
Tribuna.az xəbər verir ki, bu barədə sosial şəbəkədə Seyran Rüstəmov məlumat paylaşıb. O bildirib ki, bombardımançılar Moskva yaxınlığından Ryazan və Engels şəhərlərindən havaya qalxıb Xəzər dənizi tərəfindən gedir və oradan raket atmağa başlayır:
“Rusların hər 3 raketdən (keyfiyyətsiz olduğundan) 2-si sadəcə dəmir kimi Xəzər dənizinə düşür. Ona görə həmin keyfiyyətsiz raketlər rus torpaqlarına düşə biləcəyindən ehtiyatlanırlar. Əvəzində həmin raketlərdə olan zəhərli yanacaq Xəzər dənizinə tökülərək ekoloji faciə yaradıb çoxlu suiti məhv olub.
Ukraynalılar da dron göndərib təyyarələrin qalxdığı aerodromları atəşləyib. Bildiyim qədərilə, 2018-ci ildə Xəzəryanı ölkələr Xəzər ekvatoriyasından hərbi məqsədlər üçün istifadəni qadağan edib”.
Nigar
Tribuna.az
