Milli Məclisin Elm və Təhsil komitəsinin bu gün keçirilən iclasında “Təhsil haqqında” qanuna dəyişikliyin müzakirəsi zamanı Elm və Təhsil Nazirliyinin Aparat rəhbərinin müavini Yaqub Piriyev bildirib ki, ali təhsil müəssisələrinin çoxu tələb edir ki, təhsil haqqı birdəfəyə ödənilsin. Onun sözlərinə görə, Elm və Təhsil Nazirliyinin Kollegiyasının təhsil haqqının hissə-hissə ödənilməsi ilə bağlı qərarı var. Amma bu, universitetlərin rəhbərliyindən asılıdır.
Mövzu ilə bağlı TİA. Az– a danışan təhsil eksperti Qoşqar Məhərrəmov deyib ki, tələbələrin təhsil haqqını ödəməsi ilə bağlı iki vaxt var:
” Biri birinci semestrin digəri isə ikinci semestrin. Bu müxtəlif ölkələrin təcrübəsində bu cür tətbiq olunur. Hissə-hissə ödəniş haqqı ola bilər, ancaq bu aybaay nəzərdə tutulmur. Bəzi müəssisələr ola bilər ki, bunu üç-dörd hissəyə bölsün. Bu da yenə universitetinin verəcəyi qərardır. Yenə də prosesin əvvəli ortası və axırı ola bilər. Bu tələbəyə özəl bir yanaşma olmamalıdır, bütün tələbələrə şamil olunmalıdır. Əgər Nazirlik deyirsə ki, təhsil haqqının hissə-hissə ödənilməsi ilə bağlı qərar var, universitet də bunun üçün şərait yaratmalıdır. Bütün təhsil haqqının birdən verilməsində təkid etməməlidir”.
Aytac
TİA. Az
