Dmitri Peskovun sözlərinə görə, taxıl müqaviləsinin ikinci hissəsinin şərtlərinin yerinə yetirilməsi ilə bağlı vəziyyət yaxşılaşmır.
Tribuna.az Sputnik Armeniya-ya istinadən xəbər verir ki, jurnalistlərə Rusiya prezidentinin mətbuat katibi Dmitri Peskov açıqlamasında bildirib ki, ““Taxıl müqaviləsi”nin perspektivləri o qədər də parlaq deyil. müqavilələrin ikinci hissəsinin şərtlərinin yerinə yetirilməsi ilə bağlı vəziyyət yaxşılaşmağa meylli deyil”.
Eyni zamanda, BMT-nin Baş Katibi Antonio Quterreşin ofisi daha əvvəl taxıl sazişində iştirak edən ölkələrə məktublar göndərərək, bu sazişin son vaxtlar sürüşməsi ilə bağlı narahatlığını ifadə edib.
Xatırladaq ki, 2022-ci il iyulun 22-də Rusiya, Türkiyə, Ukrayna və BMT nümayəndələri tərəfindən imzalanan taxıl sazişi Ukrayna taxılının, ərzaq və gübrəsinin Qara dəniz vasitəsilə Odessa da daxil olmaqla üç limandan ixracını nəzərdə tutur. Gəmi hərəkətinin koordinasiyası İstanbuldakı Birgə Koordinasiya Mərkəzi tərəfindən həyata keçirilir. 2023-cü il martın 18-də sövdələşmə 60 gün – mayın 18-dək uzadılıb.
