Suriyanın şimalında Hələbdə iki türk hərbi bazasına raket hücumu nəticəsində 4 ordu qüvvəsi ağır yaralanıb.
Tribuna.az Mehrnews-a istinadən xəbər verir ki, ABŞ-ın dəstəklədiyi Suriya Kürd Demokratik Qüvvələrinin nəzarətində olan ərazilərdən Suriyanın şimalında Hələbdə Türkiyə ordusunun iki hərbi bazasına bir neçə raket atılıb.
Yerli mənbələrin məlumatına görə, partlayışlar zamanı Türkiyə ordusunun 4 əsgəri yaralanıb və yaralananlardan ikisinin vəziyyətinin ağır olduğu bildirilir.
Türkiyə ordusunun hücuma cavab olaraq SDQ qüvvələrinin nəzarətində olan əraziləri və Suriya ordusunu ağır artilleriya ilə hədəfə aldığını bildirib.
