Bəyanatda Qarabağ problemi əsas xətt olaraq göstərilmir. Hətta Qarabağ adına belə rast gəlinmir.
Tribuna.Az xəbər verir ki, bu sözləri Xəzər Müdafiə Tədqiqatları Mərkəzinin rəhbəri, hərbi-siyasi şərhçi Ramil Məmmədli bildirib.
Komitə rəhbəri Azərbaycan, Ermənistan və Rusiya dövlət başçılarının Soçidəki üçtərəfli görüşünün nəticəsini bu cür dəyərləşdirib:
“Ən mühüm bənd odur ki, bəyanatda Qarabağ problemi əsas xətt olaraq göstərilmir. Hətta bəyanatda Qarabağ adına rast gəlinmədi. Qarabağdakı ermənilərin hüquqları ilə bağlı müddəa yoxdur. Münaqişə tərəfi kimi Ermənistan və Azərbaycan göstərilir. Sülh müqaviləsi ilə bağlı müddəa da tövsiyə xarakterlidir”.
R.Məmmədli əlavə edib ki, diqqəti çəkən əsas məqam ondan ibarətdir ki, razılaşmanın baza prinsipləri 10 noyabr 2020-ci il üçtərəfli bəyanatına dayanır:
“Həm də gələcəkdə bağlanılacaq sülh müqaviləsinin kontr-xəritəsi cızılır. Burada da əsas məqam kimi xalqların bir-birinə etimadı göstərilir”.
Nigar
