Şimali Koreya lideri Kim Çen In deyib ki, ölkənin ilk casus peykinin buraxılması planlaşdırılan hazırlıqlar ABŞ və Cənubi Koreyanın təhdidlərinə qarşı durmaq üçün davam etməlidir.
Tribuna.az Reuters-ə istinadən xəbər verir ki, ekspertlərin sözlərinə görə, hərbi peyk nüvə silahına malik dövlətin münaqişə zamanı hədəfləri vurmaq qabiliyyətini təkmilləşdirmək üçün müşahidə texnologiyasını, o cümlədən pilotsuz təyyarələri inkişaf etdirmək səylərinin bir hissəsidir.
Qeyd edək ki, Şimali Koreya dekabr ayında casus peyki üçün vacib adlandırdığı “son mərhələ” sınağını keçirdi və aprel ayına qədər buraxılış üçün hazırlıqları başa çatdıracağını söylədi.
Eyni zamanda, Kosmos Agentliyinə səfəri zamanı Kim rəsmilərə buraxılışın vaxtında baş tutmasını təmin etmələrini söylədi və həmçinin bir sıra əlavə kəşfiyyat peyklərinin buraxılmasını əmr etdi.
