Şimali Koreya 1948-ci ildə qurulduğu gündən bəri ilk dəfə olaraq milli bayrağının ölçülərini dəyişdirib.
Tribuna.az xəbər verir ki, konstitusiya dəyişikliyi bayrağın ölçü nisbətini yenidən müəyyənləşdirir, eyni zamanda qırmızı ulduz və rənglərlə əsas dizaynı qoruyur. Kim Çen In administrasiyasının bu tarixi qərarı ölkənin yeni milli kimlik yaratmaq səylərinin bir hissəsi kimi qəbul edilir.
Bayrağın ölçülərindəki dəyişiklik Şimali Koreya lideri Kim Çen Inın ölkənin milli kimliyini öz idarəetmə vizyonuna uyğun olaraq yenidən formalaşdırmaq cəhdləri ilə əlaqələndirilir.
Son illərdə Kim Çen Inın rejimi Cənubi Koreya ilə yenidən birləşmək məqsədindən uzaqlaşaraq, iki ölkəni ayrı və düşmən dövlətlər kimi müəyyən edən siyasət yürüdüb.
Həsən Ağa
