Rusiyanın Ukraynaya təcavüzündən sonra NATO-ya üzv olmaq istəyən Finlandiyanın NATO üzvlüyü bu gün keçiriləcək mərasimlə rəsmiləşəcək.
Tribuna.az HaberTürk-ə istinadən xəbər verir ki, NATO ölkələrinin xarici işlər nazirləri Finlandiyanın NATO üzvlüyünə qəbulu ilə bağlı mərasimin keçiriləcəyi Brüsseldəki qərargahda görüşüblər.
NATO-nun baş katibi Yens Stoltenberq verdiyi açıqlamada, “Finlandiyanın NATO-ya üzvlüyü tarixi hadisədir. Finlandiyanın razılığı olmadan heç bir NATO qüvvəsi Finlandiyaya yerləşdirilməyəcək. Məqsədimiz münaqişəni təhrik etmək deyil, bunun qarşısını almaqdır” dedi.
“Finlandiyanın NATO-ya daxil olması münaqişənin əhəmiyyətli dərəcədə genişlənməsinə səbəb olacaq”, – Rusiyanın müdafiə naziri Sergey Şoyqu bildirib.
Kremlin sözçüsü Dmitri Peskov da bildirib ki, “Rusiya Finlandiyanın NATO-ya daxil olmasına cavab verməli olacaq”.
Digər tərəfdən, Finlandiyanın NATO-ya üzv olması ilə Rusiya sərhəd təhlükəsizliyini ikiqat artırdı. Moskvanın dünən verdiyi açıqlamada Rusiyanın qərb və şimal-qərb bölgələrində hərbi potensialını artıracağı bildirilib.
Stoltenberqin Finlandiyanın rəsmi olaraq NATO-ya üzv olacağını açıqlamasından sonra Rusiya xarici işlər nazirinin müavini Qruşko Rusiyanın RİA xəbər agentliyinə belə danışıb;
“Finlandiya NATO-ya daxil olduqdan sonra Rusiya qərb və şimal-qərb bölgələrində hərbi potensialını artıracaq”.
