Beynəlxalq hüquq sahəsində tanınmış ekspert Aram Orbelyan hesab edir ki, Ermənistan müqavimət göstərməsə, ondan daimi güzəştlər tələb olunacaq.
Tribuna.az SputnikArmeniya-ya istinadən xəbər verir ki, “Ermənistan bəyan etməlidir ki, Laçın dəhlizi açılmayana qədər Avropa və digər tərəfdaşlarla heç bir danışıqlar aparmayacaq”. Bu sözləri jurnalistlərə beynəlxalq və konstitusiya hüquq sahəsində ekspert, Ermənistan ədliyyə nazirinin keçmiş müavini Aram Orbelyan deyib.
Onun sözlərinə görə, Beynəlxalq Haaqa Məhkəməsinin Bakını yolu bağlamağa məcbur edən qərarı var. Məhkəmə hesab edib ki, Azərbaycan dəhlizi aça bilər və açmalıdır. Bu, Azərbaycandan müvafiq addımların atılmasını tələb etmək və əks halda həmin avropalı tərəfdaşlara – Toivo Klaara və ya Çarlz Mişele deməyə kifayətdir ki, İrəvan yolun bağlandığı müddətdə danışıqlara getməyəcək.
Orbelyanın qeyd edir ki, beynəlxalq hüquqi prosedurlar son dərəcə mürəkkəb prosesdir. Haaqa məhkəməsinin qərarı olduğu halda Ermənistanın nə əldə etmək istədiyini başa düşmək son dərəcə vacibdir. Əgər qarşıya yalnız yolun açılması vəzifəsi qoyulmuşdusa, amma Dağlıq Qarabağ Azərbaycanın bir hissəsidirsə, bu bir sualdır. Əgər vəzifə daha geniş və qlobaldırsa, yəni Dağlıq Qarabağın müstəqilliyidirsə, o zaman məhkəmə qərarı alətlər dəstinin sadəcə bir hissəsidir. Prosesi dəyişdirə və düzgün istiqamətə yönəldə bilər.
Hüquqşünas hesab edir ki, əvvəlki razılaşmalar yerinə yetirilməsə də, başqa razılaşmaların müzakirəsi mümkün deyil. Nə qədər ki, əsir düşən erməni əsgərləri vətənlərinə qayıtmayıblar, başqa mövzularda danışıqlar aparmaq mümkün deyil, Ermənistan Respublikasından Dağlıq Qarabağa gedən yol bağlı olduğu halda, başqa məsələlərin müzakirəsinə başlamaq mümkün deyil.
