Bu gündən etibarən İstanbulda baş tutacaq Çempionlar Liqası finalına biletlər satışa çıxarılıb.
İyunun 10-da “Atatürk Olimpiya Stadionu”nda keçiriləcək matça biletləri UEFA-nın rəsmi saytı “UEFA.com/tickets”dən əldə etmək olar.
Biletlərin qiyməti isə 70-690 avro arasında dəyişir. 1-ci kateqoriya 690 avro, 2-ci kateqoriya 490 avro, 3-cü kateqoriya 180 avro, 4-cü kateqoriya isə 70 avrodur.
Azarkeşlər özlərinə ayrılan kateqoriyalarda ən azı 2 bilet ala bilərlər.
Qeyd edək ki, bilet satışı 28 aprelədək davam edəcək.
