Türkiyədə baş verən dəhşətli zəlzələdən sonra əmlak alışında durğunluq yaranacağı gözlənilsə də, əksinə, son iki ay ərzində ev və əmlak alışı artıb. Buna səbəb iranlıların Türkiyədə ev və əmlak almağa maraq göstərməsidir.
Tribuna.az yazır ki, iranlılar yanvar ayında 526, fevral ayında isə 446 ev almaqla Rusiyadan sonra Türkiyə Cümhuriyyətində bu sahədə ikinci yeri tutublar.
“İranda mənzil bazarının misli görünməmiş tənəzzülə uğradığı və maliyyə bazarlarının iqtisadi böhrandan təsirləndiyi bir vaxtda Türkiyəyə kapital axınının intensivləşdiyi müşahidə olunur”, – İran mediası yazıb.
