İran Xarici İşlər Nazirliyinin sözçüsü Almaniya kanslerinin İranla bağlı səsləndirdiyi son müdaxilə xarakterli açıqlamalarına toxunaraq, Olaf Şoltsun hələ də tarixin yanlış tərəfində olduğunu bir daha göstərdiyini bildirib.
“Almaniya kansleri yöndəmsiz və qərəzli bir simulyasiya ilə bir daha göstərdi ki, o, hələ də tarixin yanlış tərəfində dayanır” – deyə nazir bildirib.
Tribuna.az “Mehrnews”a istinadən xəbər verir ki, nazirin açıqlamasına görə, tarixi oxşarlığı düzgün göstərən Almaniyada ekstremizmin və müasir ambisiyaların artmasıdır ki, bunun nəticəsi zorakılıq və nifrətin təbliğindən başqa bir şey deyil.
İranın yüksək səviyyəli diplomatı daha sonra deyib ki, bu gün bəzi partiyalar insan haqları layihələri vasitəsilə hakimiyyətdən özləri haqqında müsbət imici təqdim etmək üçün istifadə etməyə çalışırlar və hətta bu məsələdə (insan haqlarını müdafiə etməklə) özlərini qabaqcıl kimi qələmə verirlər.
Kənani həmçinin alman insan haqları iddiaçılarını sionist rejimin Cenindəki son cinayətlərinə diqqət yetirməyə çağırıb və alman hakimiyyət orqanlarının sionistlərin fələstinlilərə qarşı həyata keçirdikləri bu cür vəhşi cinayətlər qarşısında susmalarını pisləyib.
Olaf Şolts bazar günü Buenos-Ayresə səfəri zamanı İrandakı son iğtişaşlarla bağlı bir daha müdaxilə xarakterli açıqlamalar verib.
İran qərb dövlətlərini iğtişaşları qızışdırmaqda qınayıb və onlara məsələ ilə bağlı İranın daxili işlərinə qarışmamaq barədə xəbərdarlıq edib.
Tribuna.az
