Ermənistan Xarici İşlər Nazirliyində Ermənistan və Rusiya Xarici İşlər Nazirlikləri arasında Asiya-Sakit Okean regionunda əməkdaşlıq məsələləri, tərəflər arasında İranla əməkdaşlıq, o cümlədən İranın çoxtərəfli platformalarında əməkdaşlıq məsələləri üzrə məsləhətləşmələr aparılıb.
Tribuna.az Armenpress-ə istinadən xəbər verir ki, bu barədə Ermənistan XİN-dən məlumat verilib.
Ermənistan tərəfini Ermənistan xarici işlər nazirinin müavinləri Mnatsakan Səfəryan və Vahan Kostanyan, Rusiya nümayəndə heyətinə isə Rusiya Federasiyasının xarici işlər nazirinin müavini Andrey Rudenko rəhbərlik edib.
Bu regionlarda fəaliyyətlə bağlı geniş spektrli məsələlər, o cümlədən ixtisaslaşmış regional strukturlarda əməkdaşlıq məsələləri müzakirə edilib.
Tərəflər beynəlxalq münasibətlərin əsas mövzuları üzrə mövqelərin müzakirəsinin vacibliyini vurğulayaraq, eyni zamanda, qarşılıqlı maraq doğuran məsələlər üzrə faydalı fikir mübadiləsini davam etdirməyə ikitərəfli hazır olduqlarını qeyd ediblər.
Məsləhətləşmələrdən sonra Ermənistan Respublikasının xarici işlər naziri Ararat Mirzoyan və Rusiya xarici işlər nazirinin müavini Andrey Rudenko arasında keçirilən görüşdə xarici işlər nazirlikləri arasında məsləhətləşmələrin aparılmasının vacibliyi qeyd edilib. İkitərəfli gündəlikdə olan bir sıra məsələlər və Cənubi Qafqazda regional təhlükəsizlik müzakirə edilib. Bu kontekstdə regional sabitlikdə maraqlı olan müttəfiqlər və tərəfdaşlar tərəfindən düzgün cavab verilməsinin və effektiv addımların atılmasının aktuallığı vurğulanıb.
