“Bir yaşlı uşağa şirin çay vermək olmaz. Bu, uşaqların qida rasionunu pozur”.
Tribuna.az xəbər verir ki, bu sözləri Səhiyyə Nazirliyinin mütəxəssis-eksperti, uşaq endokrinoloq Azad Əkbərzadə deyib.
O bildirib ki, uşaqlara altı aya qədər sadəcə ana südü məsləhət görülür:
“Altı aydan sonra qida əlavələri və həkim mütəxəssislər tərəfindən buna müvafiq məsləhətlər görülür. Amma ailələr internetdən götürdükləri qida rasionlarını uşaqlarına tətbiq edirlər. Bu, heç də düzgün deyil. Uşaqlar hər hansı başqa xəstəlik yoxdursa, bu qida rasionunun müvafiq cədvəlləri həkimlər tərəfindən hazırlanmalıdır”.
Tribuna.az
