Millət İttifaqının bu gün açıqlanmasından əvvəl İYİ Partiya sədri Meral Akşenerdən diqqətçəkən bir açıqlama gəldi.
Tribuna.az NTV-yə istinadən xəbər verir ki, Akşener bildirib ki, namizədlik tələbləri qəbul olunarsa, masaya qayıda bilər.
“Habertürk”ə danışan Akşener, “Əgər masa və Kamal bəy mənim dediyimi yox, millətin dediyini qəbul edərsə, masaya qayıdacağam” deyib.
İYİ Partiyasının lideri namizədliyini irəli sürdüyü Əkrəm İmamoğlu və Mənsur Yavaş üçün “Anketlərdə bu iki adın cavabı məndən və Kamal bəydən qat-qat yüksəkdir” deyib.
Akşener ortaq namizəd tələbini təkrarlasa da, Səadət Partiyası bu gün yekunlaşması gözlənilən toplantıdan əvvəl təşkilata zəng edib. O, partiya üzvlərini saat 16.30-da partiya qərargahının qarşısına dəvət edib.
