ABŞ Federal Əmanətlərin Sığortalanması Korporasiyası iflası qlobal bazarlara təsir edən Silicon Valley Bank qrupunun bütün əmanət və kreditlərinin First Citizens Bank-a keçəcəyini açıqlayıb.
Tribuna.az NTV-yə istinadən xəbər verir ki, FDIC-dən verilən açıqlamada, First Citizens Bank, müqavilə çərçivəsində SVB qrupunun bütün əmanətlərini və kreditlərini almağa razılıq verib.
Müqaviləyə əsasən, First-Citizens Bank SVB-nin 56 milyard dollarlıq əmanətini və 72 milyard dollar kreditini öz üzərinə götürəcək. Sövdələşməyə SVB-nin 16,5 milyard dollar endirimlə 72 milyard dollara aktiv alışı daxildir.
Təxminən 90 milyard dollarlıq qiymətli kağızlar və digər aktivlər FDIC-nin ləğvetmə bölməsində qalacaq.
