“Wildberries”in hücuma məruz qalan obyektlərinin ümumi sahəsi 2 milyon kvadrat metrə yaxınlaşıb.
Tribuna.az xarici mediaya istinadla xəbər verir ki, anbarların bərpası şirkətə 80,8 milyard rubla başa gələ bilər.
Tula vilayətinin Aleksin şəhərindəki logistika mərkəzi iyulun ortalarından bəri hücuma məruz qalan 21-ci “Wildberries” obyekti olub. Onun sahəsi 194.500 kvadrat metr idi. Saytdan götürülmüş videoda anbarın tamamilə dağıldığı görünür.
2 avqust tarixinə olan məlumata görə, zədələnmiş obyektlərin sahəsini 893.000 ilə 1.154.000 kvadrat metr arasında qiymətləndirib. Həmin vaxt bu, şirkətin logistika infrastrukturunun 17,2%-i ilə 22,2%-i arasında idi.
Bu qiymətləndirmələr təxminən 5,2 milyon kvadrat metr olan “Wildberries”in anbar şəbəkəsinin ümumi sahəsinə əsaslanır. Bu qiymətləndirmədən sonra daha böyük itkilər barədə məlumatlar ortaya çıxıb.
Vladimir vilayətində yanğın 100.000 kvadratmetrlik anbar kompleksini əhatə edib. Aleksindəki mərkəz daha sonra məhv edilib. Leninqrad və Tver bölgələrində zədələnmiş obyektlərin miqyası hələ müəyyən edilməyib.
Tatarıstanın Zelenodolsk rayonundakı hücum da hesablamalara daxil edilməyib. Başqa bir “Wildberries” anbarı ehtimal olunan hədəf ola bilər.
Dağıdılmış və ya ciddi şəkildə zədələnmiş obyektlərin təsdiqlənmiş sahəsi 1,188–1,449 milyon kvadratmetrə çatıb. Bu, şirkətin anbar şəbəkəsinin 22,8–27,9%-nə uyğundur.
1,699–1,959 milyon kvadratmetr sahəsi olan obyektlərə hücum edilib ki, bu da “Wildberries”in bütün logistika infrastrukturunun 32,7–37,7%-ni təşkil edir.
Data Insight pərakəndə satış şirkətlərinə potensial itkiləri 214,9–279,6 milyard rubl olaraq qiymətləndirir. Buraya hücum edilən anbarlarda saxlanılan mallar da daxildir.
