Rusiya İstintaq Komitəsi süni intellekt, VPN xidmətləri və proksi serverlərdən istifadə etməklə törədilən cinayətlərə görə cəzaların artırılmasını nəzərdə tutan qanun layihəsi hazırlayıb.
Tribuna.az xəbər verir ki, bunu Rusiya İstintaq Komitəsinin sədri Aleksandr Bastrıkin “İnterfaks” agentliyinə müsahibəsində deyib.
Onun sözlərinə görə, bu cür vasitələrin istifadəsi Cinayət Məcəlləsində yeni ağırlaşdırıcı hal olacaq.
Bastrıkin qeyd edib ki, hazırda cinayətin təbiətindən asılı olmayaraq, müasir texnologiyaların cinayət məqsədləri üçün istifadəsinə görə cəzaları artıran universal müddəa yoxdur. Bu “yenilik” informasiya texnologiyaları və ya süni intellekt cinayət törətmək üçün istifadə edilən əsas vasitə olduğu və ya vurulan zərərin miqyasını artırdığı hallarda tətbiq olunmalıdır. Bastrıkin kiberfırıldaqçılıq, qanunsuz şəxsi məlumatların dövriyyəsi və vacib informasiya infrastrukturuna hücumları nümunə kimi göstərib.
Qeyd edək ki, daha əvvəl Dövlət Duması əvvəllər VPN xidmətlərindən istifadə edərək cinayət törətməyi ağırlaşdırıcı hal kimi tanıyan düzəlişlər qəbul etmişdi. Deputatlar həmçinin İnzibati Xətalar Məcəlləsinin 14.3-cü maddəsinə düzəliş edərək “VPN xidmətlərindən istifadə qaydasını pozduğuna görə” cərimələr tətbiq ediblər. Bu cür xidmətlər üçün reklam yayan şəxslər 80.000 rubla qədər, vəzifəli şəxslər 150.000 rubla qədər, hüquqi şəxslər isə 500.000 rubla qədər cərimə ilə üzləşirlər.
