Kriştiano Ronaldo Britaniya futbolunun pərdəarxasını əks etdirəcək “Day 1s” adlı dramatik serialda icraçı prodüser və aktyor kimi çıxış edəcək.
Tribuna.az xəbər verir ki, portuqaliyalı ulduz serialda özünü canlandıracaq.
Əsas rolu isə “Milyardlar” və “Vətən” serialları ilə tanınan Demien Lyuis ifa edəcək.
Layihədə “Arsenal”ın sabiq futbolçusu Tyerri Anri, britaniyalı reper Deyv və aktrisa Karlotta Banat da yer alacaq.
Çəkilişlər Londondakı “Barnet” stadionunda başlayıb. Serial Ronaldonun rejissor Metyu Vonla birlikdə yaratdığı “UR•Marv” studiyası tərəfindən hazırlanır. Premyera tarixi hələ açıqlanmayıb.
