Rusiya Prezidenti Vladimir Putinin qatılacağı təqdirdə dekabr ayında Mayamidə keçiriləcək G20 sammitinə getməyə hazıram.
Tribuna.az xəbər verir ki, bu sözləri Ukrayna Prezidenti Vladimir Zelenski Almaniyanın DW telekanalına müsahibəsində deyib.
Putinlə mümkün görüş barədə soruşulduqda, Zelenski müsbət cavab verib: “Bəli, əlbəttə. Getməliyik. Görüşməli, danışmalı və qərarlar qəbul etməliyik”.
Zelenskinin sözlərinə görə, Rusiya prezidenti ilə mümkün söhbətin məzmunu onun nəticəsindən daha az əhəmiyyətlidir: “Problem sözlərdə deyil. Ona nə deyəcəyim və ya mənə nə demək istədiyi vacib deyil. Əhəmiyyətli olan nəticədir”.
Qeyd edək ki, Kreml hələ ki, Putinin dekabr ayında Mayamidə keçiriləcək G20 sammitində iştirak etməyi planlaşdırıb-planlaşdırmadığını açıqlamayıb. Rusiya prezidenti 2019-cu ildən bəri G20 sammitlərində iştirak etməyib.
