Xəbər verdiyimiz kimi, Yusifova Səadət Vidadi qızı Azərbaycan Respublikası mədəniyyət nazirinin müavini təyin edilib.
2019-cu ilin dekabr ayının 3-də Prezident Administrasiyasının Qeyri-hökumət təşkilatları ilə iş və kommunikasiya şöbəsinin müdir müavini vəzifəsinə təyin olunub.
Bu vəzifəsindən əvvəl Prezident Administrasiyasının Siyasi təhlil və informasiya təminatı şöbəsinin müdiri olub.
Səadət Yusifova PA-da ilk dəfə hüquq mühafizə orqanları ilə iş şöbəsinin baş məsləhətçisi vəzifəsində çalışıb.
Səadət Yusifova 2013-cü ildə dövlət qulluğunda səmərəli fəaliyyət göstərdiyinə görə medalla da təltif olunub. O, Prezidentin 27 iyun 2013-cü il tarixli fərmanı ilə “Dövlət qulluğunda fərqlənməyə görə” medalı ilə təltif edilib.
1998-ci ildə “Hər gün” qəzetində jurnalist kimi fəaliyyət göstərib. Hüquq üzrə fəlsəfə doktorudur.
Qeyd edək ki, Səadət Yusifova 1974-cü ildə anadan olub. Bakı Dövlət Universitetinin Beynəlxalq hüquq kafedrasının müəllimi, Azərbaycan Hüquqşünasları Konfederasiyasinin İdarə Heyətinin üzvüdür.
