Bakıda fəaliyyət göstərən karqo şirkətinin rəhbərliyinə qarşı iddia irəli sürülüb.
“Qafqazinfo” xəbər verir ki, “Yes Logistics” MMC-nin direktoru, 1994-cü il təvəllüdlü Aydın Qarayev hüquq-mühafizə orqanlarına müraciət edərək tərəfdaşlarından şikayətçi olub.
O bildirib ki, Bakı beynəlxalq hava limanında yerləşən “Carry Express” MMC-yə məxsus yükləri daşıyıblar və buna görə qarşı tərəfin onlara 34 min manata yaxın borcu yaranıb.
A.Quliyevin iddiasına görə, “Carry Express” şirkətinin rəhbərləri – Naxçıvan sakini, 1994-cü il təvəllüdlü Mahir Bağırov və 1991-ci il təvəllüdlü Arzu Abdullayev həmin pulu ona qaytarmaqdan imtina ediblər.
Şirkət direktorunun müraciəti əsasında araşdırma başlanılıb.
Qeyd edək ki, hazırda “Carry Express” şirkətinin saytı işləmir və istifadəçilərə sifarişləri dayandırmaq təlimatı verilib.
