Bakı sakinlərinin və şəhərimizin qonaqlarının asudə vaxtlarını səmərəli keçirmələri üçün içərisində olduğumuz həftədə paytaxtda bir çox tamaşalar, konsertlər baş tutacaq.
Tribuna.az sentyabrın 22-dən 26-dək olan müddətdə planlaşdırılan mədəniyyət tədbirlərindən bəzilərinin afişasını təqdim edir.
Azərbaycan Dövlət Akademik Milli Dram Teatrında:
Sentyabrın 23-də saat 19:00-da Cəlil Məmmədquluzadənin “Dəli yığıncağı” tamaşası göstəriləcək.
Biletlərin qiyməti: 8-15 manat.
Sentyabrın 24-də saat 19:00-da Şıxəli Qurbanovun “Sənsiz” tamaşası təqdim ediləcək.
Tamaşanın quruluşçu rejissoru Nihad Qulamzadədir.
Biletlərin qiyməti 10-20 manatdır.
Sentyabrın 25-də saat 19:00-da Cəlil Məmmədquluzadənin 1909-cu ildə yazdığı “Ölülər” tamaşası səhnələşdiriləcək.
Tragikomediya janrında olan tamaşanın quruluşçu rejissoru Xalq artisti Azər Paşa Nemətovdur.
Biletlərin qiyməti 10-20 manatdır.
Sentyabrın 26-da saat 19:00-da “LƏNG: Zamanla yarışan insan” tamaşası nəzərdə tutulub.
Quruluşçu rejissor Əməkdar artist Bəhruz Vaqifoğludur.
Biletlərin qiyməti: 10-25 manat.
Sentyabrın 27-də saat 19:00-da Xalq yazıçısı Elçinin “Baş” fəlsəfi romanı əsasında hazırlanan “Baş” tamaşası oynanılacaq.
Tarixi metafizik dram janrında olan tamaşanın quruluşçu rejissoru Əməkdar incəsənət xadimi, Dövlət mükafatı laureatı Mehriban Ələkbərzadədir.
Biletlərin qiyməti: 10-25 manat.
Azərbaycan Dövlət Milli Gənc Tamaşaçılar Teatrı:
Sentyabrın 26-da saat 20:00-da Maqsud İbrahimbəyovun “Neft bumu hamıya gülümsəyir” tamaşası təqdim olunacaq.
Quruluşçu rejissor “Qızıl maska” mükafatı laureatı Konstantin Soldatovdur.
Biletlərin qiyməti: 12-15 manat.
Sentyabrın 27-də saat 19:00-da Ülviyyə Heydərovanın “İnanıram” tamaşası oynanılacaq.
Tamaşanın quruluşçu rejissoru Elşad Rəhimzadədir.
Biletlərin qiyməti: 8-15 manat.
Azərbaycan Dövlət Akademik Musiqili Teatrı:
Sentyabrın 24-də saat 19:00-da böyük fransız yazıçısı Viktor Hüqonun “Paris Notr-Dam kilsəsi” romanının motivləri əsasında hazırlanan “Paris Notr-Dama ithaf” tamaşası planlaşdırılıb.
Tamaşanın quruluşçu rejissoru və librettonun müəllifi Samir Qulamovdur.
Biletlərin qiyməti 10-20 manatdır.
Sentyabrın 25-də saat 19:00-da Ramiz Mirişli, Marat Haqverdiyevin “Amerikalı kürəkən” tamaşası baş tutacaq.
Musiqili komediya janrında olan tamaşanın quruluşçu rejissoru Xalq artisti İlham Namiq Kamaldır.
Biletlərin qiyməti: 8-15 manat.
Sentyabrın 25-də saat 19:00-da Əməkdar incəsənət xadimi Əli Əmirlinin “Mesenat” tamaşası olacaq.
Quruluşçu dirijor Əməkdar incəsənət xadimi Fəxrəddin Atayevdir.
Biletlərin qiyməti: 10-20 manat.
Sentyabrın 27-də saat 19:00-da Samir Qulamovun eyniadlı pyesi əsasında “Bir nəfəs qədər” tamaşası oynanılacaq.
Quruluşçu rejissoru Samir Qulamovdur.
Biletlərin qiyməti 8-15 manatdır.
Heydər Əliyev Sarayı:
Sentyabrın 24-də saat 19-da 3 pərdəli, 5 şəkilli “Koroğlu” operası təqdim ediləcək.
Quruluşçu rejissor Əməkdar incəsənət xadimi Hafiz Quliyev, dirijor Əməkdar artist Əyyub Quliyevdir.
Biletlərin qiyməti 15-45 manat.
