“Sumqayıt”ın sabiq baş məşqçisi Aleksey Baqanın yeni klubu müəyyənləşib.
Tribuna.az xəbər verir ki, o, Belarus “Şaxtyor”unun (Soliqorsk) baş məşqçisi təyin edilib. Bu barədə klubun saytı məlumat yayıb. Belaruslu mütəxəssislə 2 illik müqavilə imzalanıb.
Qeyd edək ki, Aleksey Baqa 2021-ci ildə “Şaxtyor”u çalışdırıb və komanda ilə Belarus çempionu olub.
Xatırladaq ki, ötən ilin dekabrında “Sumqayıt”a baş məşqçi təyin olunan Baqa bu ilin sentyabrında uğursuz nəticəyə görə istefaya göndərilib.
