Vaşinqtonun Avropadakı hərbi mövcudluğunu tənzimləmək qərarı heç kəsi təəccübləndirməməlidir, çünki ABŞ-nin dünyanın digər regionlarında öhdəlikləri var.
Tribuna.az “The Guardian”a istinadən xəbər verir ki, bunu ABŞ dövlət katibi Marko Rubio deyib.
“Mən demirəm ki, onlar (Avropalılar) bundan həyəcanlanacaqlar, lakin onlar, şübhəsiz ki, bundan xəbərdardırlar. Bizim Hind-Sakit Okean, Yaxın Şərq və Qərb yarımkürəsində öhdəliklərimiz var, ona görə də bu, davam edən bir prosesdir və bu, heç kəsi təəccübləndirməməlidir”, – Rubio bildirib.
