Beynəlxalq Qadınlar Günü kişilər üçün daha çox bayram və xərcləmə ilə assosiasiya olunur.
Tribuna.az “Rosbalt”a istinadla xəbər verir ki, bunu “SuperJob” xidmətinin araşdırma məlumatları sübut edir.
“8 Mart kişilər üçün daha çox bayram və israfçılıqla, qadınlar üçünsə bahar, günəş, yaxşı əhval-ruhiyyə və buketlərlə assosiasiya olunur”, – 1600 respondent arasında aparılan sorğu göstərib.
Bu gündə ən vacib şey zərif cinsin bayramıdır, hər dördüncü şəxs buna əmindir. Hər onuncu şəxs üçün 8 Mart sevimli qadınlarla əlaqələndirilir: ikinci yarı, ana, qızlar, rəfiqələr. 6 faiz üçün bu gün yalnız sevincli hadisələrlə assosiasiya olunur. Daha 6 faiz üçün bu, adi bir istirahət günüdür. Digər 6 faiz isə 8 Martı olduqca xərcli gün adlandırıb.
Çiçəklər yaz qadınlarının bayramı ilə əsas assosiasiyalardan biridir və zanbaqlar populyarlıq baxımından birinci yerdədir (52 faiz). Mimoza iki dəfə aşağı səsə malikdir (26 faiz). Üçüncü yerdə qızılgüllərdir (11 faiz). Üstəlik, zərif cinsin nümayəndələri Beynəlxalq Qadınlar Gününün əsas çiçəkləri kimi zanbaq və mimozaları, kişilər isə daha çox qızılgülləri hesab edirlər.
