Azərbaycan milli komandasının futbolçusu Nəriman Axundzadənin ABŞ-dakı maaşı açıqlanıb.
Tribuna.az xəbər verir ki, bu barədə MLS-in Oyunçular Assosiasiyasının rəsmi saytı məlumat yayıb.
“Kolambus Kryu” klubundakı çıxış edən 22 yaşlı futbolçunun illik maaşı 550 000 ABŞ dolları (vergilərsiz 935 min manat) təşkil edir (vergilərlə birlikdə 633 389 dollar – vergilərlə 1 milyon 7 min 600 manat).
Qeyd edək ki, Nəriman Axundzadə “Kolambus Kryu” klubuna bu ilin fevral ayında “Qarabağ”dan keçib. Futbolçu MLS təmsilçisi ilə 3,5 illik müqavilə imzalayıb.
