Kiyev hakimiyyəti təhlükəsizlik vəziyyətinin pisləşməsi səbəbilə bütün açıq hava istirahət və idman tədbirlərini müvəqqəti dayandırıb.
Tribuna.az xəbər verir ki, bu barədə şəhər meri Vitali Kliçko məlumat verib.
Qadağa həmçinin sığınacaqla təmin olunmayan binalarda keçirilən tədbirlərə də şamil ediləcək.
Kliçko bildirib ki, sentyabrın 10-dan etibarən Kiyevdə komendant saatı gecə saat 01:00-dan 05:00-dək (Bakı vaxtı ilə 02:00-dan 06:00-dək) tətbiq olunacaq. Bununla yanaşı, ictimai nəqliyyatın fəaliyyət müddəti bir saat artırılacaq.
Restoran, əyləncə məkanları və ticarət mərkəzlərinin iş qrafiki isə dəyişməz qalacaq.
