Paytaxtın Yasamal rayonu Əsəd Əhmədov küçəsi 2 ünvanında yaşayan sakinlər “Osmanlı hamam” istirahət məkanının fəaliyyətindən narazıdırlar.
Tribuna.az Xəzər Tv-yə istinadən xəbər verir ki, sakinlər gecələr generatorun səsi, gündüzlər isə tüstüdən narahat olduqlarını bildirirlər.
Bu problem tez-tez təkrarlanır.
İddialara münasibət bildirən istirahət məkanının administratoru Həsən Məmmədov sakinlərin rahatlığını təmin etmək və səs-küyü minimuma endirmək məqsədilə generator dəstinin ətrafına akustik panellər və səsboğucu materiallar quraşdıracağını vəd etdi.
