Azərbaycan vətəndaş cəmiyyətinin nümayəndələri quru sərhədinin delimitasiya olunmuş hissəsi vasitəsilə Ermənistana gəliblər.
Tribuna.az xəbər verir ki, “Sülh Körpüsü” təşəbbüsü çərçivəsində 13-14 fevral tarixlərində Ermənistanda Ermənistan və Azərbaycan vətəndaş cəmiyyəti nümayəndələri arasında ikitərəfli dəyirmi masa görüşü keçiriləcək. “Sülh Körpüsü” təşəbbüsünün əsas iştirakçılarından əlavə, dəyirmi masada hər iki tərəfdən daha geniş iştirakçı qrupları da iştirak edəcək.
Armenpress-in məlumatına görə, Azərbaycan nümayəndə heyəti bütün zəruri prosedurları yerinə yetirdikdən sonra quru sərhədinin delimitasiya olunmuş hissələri vasitəsilə Ermənistana gəlib. Bu, iki ölkə arasında etimadın gücləndirilməsi istiqamətində mühüm praktik addımdır.
Müzakirələr zamanı Ermənistan və Azərbaycan vətəndaş cəmiyyəti nümayəndələri 8 avqust 2025-ci ildə Vaşinqton Zirvə görüşündə təsdiq edilmiş sülh gündəliyindən irəli gələn prosesləri müzakirə edəcəklər.
Ayrı-ayrı sessiyalarda regional təhlükəsizlik arxitekturasının formalaşması, sülhün faydaları, iki cəmiyyət arasında münasibətlərin qurulması ilə bağlı ictimai fikirlər, iqtisadi əməkdaşlıq perspektivləri və qarşılıqlı anlaşma və etimadın gücləndirilməsində vətəndaş cəmiyyətinin rolu müzakirə olunacaq.
Azərbaycan tərəfinin iştirakçılarını təqdim edirik:
Fərhad Məmmədov – Koordinator, Cənubi Qafqaz Araşdırmalar Mərkəzinin direktoru
Rusif Hüseynov – “Topçubaşov” Mərkəzinin direktoru
Kəmalə Məmmədova – 1news.az onlayn nəşrinin baş redaktoru
Ramil İsgəndərli – Milli QHT Forumunun Şurasının sədri
Fuad Abdullayev – Beynəlxalq Münasibətlərin Təhlili Mərkəzinin aparıcı mütəxəssisi
Könül Bədəlova – İqtisadi İslahatlar və Kommunikasiya Təhlili Mərkəzinin tədqiqatçısı
Zaur Şiriyev – “Carnegie” Fondunun Rusiya və Avrasiya Mərkəzinin eksperti
Murad Muradov – “Topçubaşov” Mərkəzinin direktor müavini
Aytən Qəhrəman – Bakı Beynəlxalq Multikulturalizm Mərkəzinin məsləhətçisi
Rauf Ağamirzəyev – Nəqliyyat üzrə ekspert, Rəqəmsal İnkişaf və Nəqliyyat Nazirliyi yanında İctimai Şuranın üzvü
Gülbəniz Qənbərova – “Kənd Qadınları Assosiasiyası” QHT-nin sədri
Nəzrin Əliyeva – “İnsan Hüquqlarının Dəstəklənməsi Mərkəzi” QHT-nin nümayəndəsi
Eldar Həmzəli – Tədqiqatçı, müstəqil ekspert
Sənan Rzayev – CBC televiziyasının redaktoru və aparıcı siyasi şərhçi
Gülşən Axundova – “Qadın, İnkişaf, Gələcək” QHT-nin sədri
Emin Əliyev – TREND Beynəlxalq Xəbər Agentliyinin baş redaktoru
Orxan Babayev – Cənubi Qafqaz Araşdırmalar Mərkəzinin əməkdaşı
İlyas Hüseynov – Sosial Tədqiqatlar Mərkəzinin şöbə müdiri
Fuad Ağamalıyev – CBC televiziyasının mühəndis-texniki şöbə müdiri
Musavat.com
