Dələduzluqda təqsirləndirilərən Tənzilə Kərimovanın barəsindəki qərardan kassasiya şikayəti verilib.
Tribuna.az-ın əldə etdiyi məlumata görə, şikayət Ali Məhkəmənin hakimi Teyyub Muxtarovun sədrliyi ilə araşdırılacaq.
Qeyd: T.Kərimova 11 “WhatsApp” qrupu yaradıb. O, bu qruplar vasitəsilə vətəndaşları aldadaraq onların külli miqdarda pullarını ələ keçirib. T.Kərimova vətəndaşlara qarşı 1 milyon 232 min 559 manat ziyan vurub.
Cinayət işi üzrə 81 nəfər zərərçəkmiş var.
T.Kərimovanın barəsində Cinayət Məcəlləsinin 178.4-cü (dələduzluq, külli miqdarda ziyan vurmaqla törədildikdə) maddəsi ilə ittiham elan edilib.
