Müharibəni başlamaq asandır, amma bitirmək çətindir.
Tribuna.az xəbər verir ki, bunu Prezident İlham Əliyev Bakıda “Ortaq gələcək naminə dialoq” mövzusunda VII Ümumdünya Mədəniyyətlərarası Dialoq Forumunun açılış mərasimində çıxışında deyib.
Dövlət başçısı bu gün yeni müharibələrin meydana çıxmasına şahidlik etdiklərini bildirib:
“Müharibəni başlamaq asandır, amma bitirmək çətindir. Bu baxımdan Azərbaycanın təcrübəsinə gəldikdə bizim mübarizəmiz düzgün idi. Biz dayandıq və sülhü təklif etdik. Müharibədə olan tərəflər bunu tədqiq etməlidir. Bu onlara kömək edər ki, müharibənin dayandırılması baş tutsun. Düşünürəm ki, bizim təcrübəmiz bu baxımdan çox dəyərli ola bilər”.
