Minval.info xəbər verir ki, tədbirdə çıxış edən Türkiyə prezidenti bir sıra önəmli məsələlərə toxunub.
Son illərdə Türk dünyasının geosiyasi-iqtisadi əhəmiyyətinin daha da artdığını vurğulayan Ərdoğan, “Beynəlxalq ticarətin dollara olan asılılığı artıq qarşımıza bir əngəl olaraq çıxmağa başlayıb. Biz öz pul vahidlərimizlə ticarət variantı üzərində dayanmalıyıq. Bu artıq şərt olub. Dövrümüz bizə nəqliyyat və rabitə şəbəkələrinin inkişaf etdirilməsi üçün də əhəmiyyətli imkanlar təqdim edir.
Bu baxımdan Qafqaz və Orta Asiyanı aşaraq bizi Çinə qədər böyük bir coğrafiyaya çatdıracaq Xəzərdən keçən Şərq-Qərb nəqliyyat dəhlizinin Orta Koridorunu istifadə etməyi məsləhət görürük” deyib.
