Bakıda yeniyetmə oğlan məktəbin həyətində ölüb.
Tribuna Qafqazinfo”ya istinadən xəbər verir ki, hadisə Sabunçu rayonu, Bakıxanov qəsəbəsi, Ruhulla Axundov küçəsi 9 ünvanında yerləşən 94 saylı məktəbin həyətində baş verib.
Belə ki, 17 yaşlı Eşqin Məhi oğlu Rüstəmovun infarktdan öldüyü bildirilir.
Faktla bağlı araşdırma aparılır.
Xatırladaq ki, noyabrın 27-si Masazırdakı 1 N-li tam orta məktəbin qarşısında da 1-ci sinif şagirdi, qəsəbə sakini 2018-ci il təvəllüdlü Emin Həmidovun qəflətən halı pisləşib. Təcili tibbi yardım gələnədək azyaşlı vəfat edib.
