Pərvin Əkbərov Tibbi Ərazi Bölmələrini İdarəetmə Birliyi (TƏBİB) icraçı direktorunun müşaviri vəzifəsindən azad olunduğunu təsdiqləyib.
Tribuna.az xəbər verir ki, o, Qaynarinfo-ya açıqlamasında müşavir vəzifəsindən çıxdığını və hazırda Yeni Klinikanın direktor müavini, Somatika və STROK mərkəzinin rəhbəri kimi işini davam etdirdiyini bildirib.
Qeyd edək ki, Pərvin Əkbərov 2023-cü ilin yanvar ayında TƏBİB-in sabiq İcraçı direktoru Vüqar Qurbanovun əmri ilə müşavir təyin olunmuşdu.
